羅仲謙幫女友買女性用品都無問題！

藝人羅仲謙（謙仔）今日到尖沙咀出席活動，向各得獎美容品牌頒發獎項，司儀更在席間送一隻「羊怡」公仔予謙仔，使他們可以「孖公仔」出活動。

訪問時，提到謙仔在活動上分享不少護膚心得，問他是否常偕女友楊怡護膚？謙仔就笑言自小因媽媽是美容師的關係常當白老鼠，自信皮膚keep得好，問會否給楊怡貼士？他笑謂：「唔使啦，因為我哋行內都有好多資訊、偏方，我向佢請教番轉頭。（肯唔肯幫買女性用品？）呢個年代大家都冇咩所謂，最緊要唔好買錯，不過我就無試過。」

唔知吳若希係咪拍拖

提到謙仔在無綫劇《衝線》的好拍擋吳若希，今日在社交網站上傳一張與男性的遮面親密咀面照，並留言似要公開戀情，謙仔表示毫不知情，亦不清楚相中人是誰，說：「如果真嘅話我會戥佢高興囉！我一陣八吓先，我都想知係邊個。（為劇宣傳？）宣傳又好，真實又好，兩件都係一件好事，最緊要係大家開心。」

而早排忙於在內地拍攝電影《西遊記之三打白骨精》的謙仔，就表示拍攝進度已大概完成，近排會專注到各地登台商演，透露五月左右就會回無綫拍新劇，問他要否隨《西》片大隊到紐西蘭拍攝？他說：「有聽講過，過去主要係想攞佢哋啲樹林景，靚啲嘅環境。」