東網電視
更多新聞短片
翠如居然唔撐男友，話浩然打得過蕭正楠。
1/7
宅男女神黃翠如及黃浩然身穿球衣到銅鑼灣出席欖球活動，跟職業欖球員學兩招，翠如笑言運動「睇多過做」，問到最多會做甚麼運動？她笑說：「游水同踩單車，可以慢慢地，一班人咁玩。（泳術如何？）蛙泳ok，掂到地（嘅水位）我游到，掂唔到地就游唔到。」身旁的浩然即吃驚地說：「你呢啲唔係游水，係行水咋喎！」翠如又表示未曾與男友蕭正楠（Edwin）游水，浩然即邀他倆今夏暢泳，記者提議她穿比堅尼，翠如即以笑解圍，並轉話題表示有跟浩然學打拳，而浩然就指正為Edwin操拳，問到兩人誰較好打，浩然笑言是Edwin，翠如即插嘴謂浩然較打得，浩然說：「其實我哋都係打沙包，冇對打，靠面口搵食架嘛！」
浩然表示會讓大仔學打欖球，因他天生神力：「佢衝埋嚟想抱你，有一次係中咗男人最痛地方，頂唔順，所以要控制住佢！（有體育細胞？）佢鍾意戶外活動，唔想困喺室內，踢波都鍾意去草地。」
翠如同浩然着晒波衫出席欖球活動。
浩然話大仔天生神力，會畀佢學打欖球。
翠如話自己好少做運動。
皆因仔仔識過打到佢男人最痛嘅位置，令佢苦不堪言。
但都係咁瘦，真係令人羨慕。
翠如話自己鍾意游水同踩單車。
