【溝通靠App】吳千語將與李敏鎬拍電影

藝人吳千語（Karena）出席護膚品牌活動，表示自己向來非常注重健康生㓉，如在港必定抽時間到健身室做運動，因經常到外地工作容易水土不服，加上腸胃向來也不太好，需要靠運動及食療調養。問到運動時男友林峯會否陪伴在側？Karena表示：「會陪我，運動佢需要o的，因為男仔身型要好！（滿唔滿意男友身型？）唔知，不予置評，男仔夏天係要健身。（自己鍾唔鍾意肌肉男？）唔太鍾意選美大賽肌肉男，鍾意健康但大隻！」

另外，Karena透露明日將飛往韓國出席電影節，而與韓國男神李敏鎬合作的電影《賞金獵人》，將於下月開拍及到韓國取景：「不過韓國仲有疫情，但明日自己都去當地，問過當地朋友都話唔係太嚴重，佢都有叫我戴口罩。（邊個佢？林峯？）係！」又指過住經常在香港及上海等地拍戲，今次是首次到韓國拍戲，更有機會與男神合作：「之前有睇過佢演出，身邊好多朋友都好鍾意佢。（多唔多對手戲？）都有，因為戲中係合作關係，自己都下載o左個韓文翻譯app用o黎溝通，因為當地工作人員英文唔好，自己韓文又唔好！」