東網電視
更多新聞短片
薛凱琪話已暗示、明示過好多次叫房祖名寫歌畀佢，但都未有。
1/5
薛凱琪（Fiona）到電台宣傳新歌《那一個我》，她表示新歌講述愛情及人生，並學識成為一個可愛的自己：「唔係Cute嘅可愛，係『可以畀人愛』，唔好要求人哋點樣點樣。覺得以前好多唔Work Out嘅經歷、啲Ex，呢啲都係必經之路，令我更識搵Mr. Right，識點去愛佢。」她表示以前在讀書時，曾為男友犧牲不少：「個男仔唔鍾意我着裙、高踭鞋，我就唔着，佢唔鍾意我同朋友去飲嘢，我又唔去。」她又表示沒有完美的人，每人都有發脾氣的時候，但最重要是認清甚麼時候不可愛，積極改善及認錯。
她透露剛在台灣及北京接拍電影，提到她一年接三部電影，問是否豬籠入水？Fiona說：「傾緊第四部，真係好感恩。」問到可有探望緋聞男友房祖名？她說：「有見過，佢好好呀，好Okay。（佢忙緊咩？）佢忙緊咩我就不便代佢答，唔想搶佢焦點，佢有努力寫歌同寫詞。」她又笑言已明示祖名，希望對方寫歌給她：「我暗示、明示咗好多次，作為女仔我覺得要有矜持，畀空間佢啦，佢忙緊新作，我聽過幾好聽，有新元素。我有叫佢Email畀我，佢上隻碟已經聽到爛晒，但佢非常孤寒，唔Email畀我。」
成日畀人話撞樣
提到有網民指她與鄭裕玲（DoDo）撞樣？Fiona表示：「平時評論我都會回應，話我長頸鹿都唔會Mind，但今次評論包含人哋嘅話，我就好難回應。DoDo後生嘅戲我都睇好多，好好睇，好靚。」問到有否覺得某些角度與DoDo似樣？她說：「我由出道到依家，短髮畀人話似孫燕姿，大笑時畀人話似楊千嬅，似邊個冇所謂，愛我嘅粉絲只會愛我，但有話題令人聯想到同娛樂到大家，係一件好事。」
佢仲呻祖名孤寒，唔Email新作畀佢聽。
鄭裕玲（資料圖片）
已接三部戲嘅薛凱琪話已傾緊第四部戲，真係密密接喎！
薛凱琪到電台宣傳新歌。
