囝囝甩臍帶　隋棠拍照留念

台灣藝人隋棠上月三十一日為老公Tony誕下可愛囝囝Max，呢位新手媽咪一講起同囝囝有關嘅事都非常緊張，近年愈來愈多父母為初生子女儲存臍帶血，以備日後用於醫療，令隨棠都心郁郁試吓，佢坦言之前佗B時，因為工作緣故已經去勻世界各地做產前檢查，亦問過唔同醫生意見，原本唔諗住儲存臍帶血嘅佢，為咗囝囝緣故，最終都決定一試。<br/><br/>另外，隋棠囝囝Max已經甩咗臍帶喇！隋棠都為大家影低「證據」，佢仲上載咗一張老公Tony抱住囝囝Max嘅新相，雖然Max仲未滿月，但已經清楚見到佢嘅輪廓同爸爸十足餅印，除咗眼細細，髮型亦一模一樣，而隋棠更幫囝囝改圖，戴咗副眼鏡之後，真係勁有爸爸影子！