黃翠如晒線頭　自爆大學畢業已儲到廿萬

藝人黃翠如出席銀行開幕活動，穿上連身裙的她罕有輕露事業線，她表示：「連身裙係大會揀，唔知咁性感。（男友蕭正楠知唔知？）唔知啦，公司有咁多好嘢睇。」問到有何投資心得？她直言：「冇，啲錢儲喺銀行。（有幾多位數？）細個幫人補習，大學畢業儲到20萬港元，我好勤力幫人補習，所以買咗粒紅寶石戒指畀媽咪，讀書時期買過最貴幾千蚊嘢。」她透露與男友分別財務獨立，更表示現今女性要懂得管理錢。

逼男友Body Check

她又謂有朋友因患癌症而過身，令她擔心身體狀況。34歲的她表示從未做過婦科檢查，所以要儲勇氣去做，她說：「的確驚，女仔去到某個年紀要做身體檢查，做婦科檢查，我依家儲緊勇氣，自己都少body check，細個係『藥煲』，成日出入醫院，大個做嘢就身體好啲。」她更爆自己迫男友去做身體檢查，更與曹永廉一同檢查，最後曹永廉身體比蕭正楠好，但就否認是婚前檢查。