東網電視
更多新聞短片
麥包畀人感覺夠貼地，因此獲邀拍攝八達通全新一輯廣告。
1/4
藝人麥長青（麥包）因為形象夠貼地，獲得廣告商垂青，邀請他為八達通拍攝全新一輯廣告，麥包說：「我同八達通一樣，陪伴港人一齊成長，大家對我有份親切感，可能我哋兩者都畀人感覺夠貼地，或者就係呢個原因，佢哋搵我拍今次廣告，呼籲港人更換新卡。」
暈船浪想嘔
麥包更自爆拍攝趣事，他說：「有個鏡頭，導演希望我喺船上拍，可以拍吓維港兩岸美景，不過拍攝當日非常大浪，而且大清早就上船，我真係暈船浪，好想嘔，好彩我係個習慣唔鍾意食早餐嘅人，就算想嘔，都冇嘢可以嘔！」
自爆鐘意高達
麥包又指今次拍攝有大得着，他說：「今次畀我發現咗『新大陸』，一直以來，我都唔知八達通原來有其他款式，今次拍攝，我先知原來有機動戰士圖案，我即刻買咗高達同紅彗星兩款，呢個係我兒時其中一套最鍾意嘅卡通片，所以真係好開心！」
同梁漢文合作
麥包又透露即將參與兩套網劇，他說：「其中一套同梁漢文合作，我哋20年冇同對方合作拍劇，我非常期待！（有冇分析點解工作一個接一個？）可能《街市遊樂團》真係好貼地同親民，得到各界支持，我衷心感謝！」
麥包自爆拍廣告暈船浪，好想嘔。
麥包心情大靚！
麥包坦言早前拍無綫節目《街市遊樂團》得到各界支持！
