張建聲血吞吳毅將畫面變低清　網民鬧爆

藝人張建聲在網劇中的反派形象，近日成為網民熱話，網民的熱情更引發投訴，事關網劇原定凌晨12點播出，但遲了15分鐘才開播，不但要大批為睇癲佬「招積」（張建聲飾演），發狂生吞曾在獄中雞姦他的「火屎」（吳毅將飾演）的觀眾餓劇，更加令他們不快的是，當播出時高清畫面竟然變成了低清畫面，劇集後半部更出現畫面字幕不同步的問題，令不少網民抱怨！張建聲得悉事件，深感抱歉，他說：「真係唔好意思，係出現咗一啲技術問題，但劇組有技術人員24小時睇住，已經即刻支援，佢哋係好努力解決問題，希望以後避免同類事件再發生！」<br/><br/>提到「招積」虐殺「火屎」，睇到人毛骨悚然，劇情更交代「招積」麻醉「火屎」後，將他的嘴縫上，再騎在他身上咬甩對方眼珠，嚇到「火屎」瀨尿，最後生吞仇人的張建聲，成口血豁出去的演出，獲網民大讚好演技，張建聲說：「其實場戲開頭設定冇咁血腥，係導演宋本中突然話外國有個案例，喺隔籬屋長期恰一個人，結果呢個人大個咗，將隔籬屋嘅人全部食晒，佢將呢個案例擺咗喺『招積』身上，嗰場戲基本上冇對白，全部係即場望到『火屎』嘅第一身反應，完全任我做，Ben哥（吳毅將）又做得非常好，堆砌到個恐怖感出嚟！」