東網電視
更多新聞短片
王祖藍強調太太李亞男沒有患過抑鬱症。
1/4
藝人郭晉安、蔡少芬、王祖藍、林欣彤、鄭欣宜、張文慈、小寶、吳沚默、蘇韻姿和韋綺珊等在小西灣出席無綫劇集《老表，畢業喇！》之「老表友誼賽」宣傳活動。
對於旗下工作室運作有問題，令藝人離巢，王祖藍表示公司運作暢順，旗下還有不少藝人：「其實我開公司嘅時候都同大家講，如果覺得唔適合，可以隨時離開，大家以為我講笑，其實我講真，總好過要打官司解約，呢樣係我公司畀藝人信心嘅地方。」
「唔夾無謂勉強」
問有指旗下藝人不夠工作做？王祖藍否認：「工作量都唔少，好似鄧萃雯休息咗幾年，我哋幫佢增加番曝光率，安排佢上內地綜藝節目同埋拍內地劇，雯女嘅原因係佢想自己開工作室，我都支持佢。」並強調鄧萃雯並非離巢，只是雙方議定嘗試合作一年，若不適合會轉為合作形式，他說：「佢問如果有需要可唔可以幫佢，我話義務幫手都OK，當初我哋都講夾就繼續，唔得就無謂勉強。」
與舅父開製作公司
講到有傳徐子珊有意離開，王祖藍指對方沒有去意，稍後還會一同回內地拍攝節目。問是否與舅父冼偉智鬧翻？他說：「只係轉合作模式，同佢開咗間製作公司，之後嘅演唱會同節目都同佢合作，我哋亦冇拗撬。」
林欣彤明年開個唱
對於林欣彤演唱會延期，王祖藍指已經有投資者，不過考慮到林欣彤在2017年要演舞台劇及顧劇集宣傳，新歌不夠，經商討後決定押後在2018年舉行。
問是否工作繁忙難於兼顧？王祖藍說：「公司有足夠同事，公司真係冇乜大問題，小事一樁。」問傳言可有令太太李亞男擔心令抑鬱症發作？王祖藍澄清：「佢從來都冇抑鬱症，完全冇病，之前只係畀人誤解，如果我老婆有病，我諗全香港都好多人都有病。」
祖藍表示公司運作正常。
祖藍瞓身谷劇。
祖藍好受學生哥歡迎。
