任達華激罕上遊戲節目　被林敏驄嘲似布景

藝人任達華向來鮮有上遊戲節目，但他早前為ViuTV節目《Good Night Show全民星戰》擔任嘉賓。當晚他以一身綠色運動裝現身，甫出場即被主持人林敏驄與梁漢文嘲他的衣着，林敏驄笑言：「你件綠色衫係『Chroma Key』（即用作電腦特技的綠布景）。」任達華聞言淡淡然表示：「特登咁着，Chroma Key之後，可以Key英格蘭、又可以Key德國，Key咩波衫都得。」喜歡「爆肚」的林敏驄隨即引用補健食品對白說：「尋晚11點，你去咗邊？有冇保住個肝？」任達華再一次淡淡然回應：「梗係睇波啦，最好係睇世界盃。」<br/><br/>玩到瞓地除衫<br/><br/>任達華玩遊戲時更玩到瞓地兼除衫，但當被要求除褲時，見慣大場面的他當然冇有怕：「呢一個節目係（夜晚）8點檔，我哋要顧兒童。」最終他力保不失，不用除褲，事後更表示會將贏得的獎金，一半捐給明星足球隊慈善基金。<br/><br/>林敏驄為倪晨曦「包紮」<br/><br/>此外，倪晨曦下周為節目擔任嘉賓，要求跟林敏驄背對背做瑜伽，當問到林敏驄做瑜伽感受時，林敏驄竟說：「唔郁得，佢屎忽頂住，好舒服。」在另一遊戲中，林敏驄更親為倪晨曦「包紮」，期間他表示：「古代木乃伊由祭司親自包紮，我不經不覺，包到重要部位。」為了滿足貪玩的林敏驄，席上其他藝人更將林敏驄與倪晨曦包在一起，場面香艷。