【舊車碰撞】林柏特：莫三季好正路
20180925
東網電視
更多新聞短片
(Getty Images)
周三(26日)凌晨3點英聯盃第3圈，曼聯主場對打比郡好有睇頭，事關「寸王」莫連奴將遇上昔日車路士愛將林柏特，上演師徒對決。林柏特今季首次執教鞭，成為英冠球隊打比郡領隊，估唔到咁快就要領軍，同莫連奴交鋒。
賽前林柏特被問到莫連奴受「莫三季」魔咒影響，可能隨時被炒，呢位英格蘭名宿坦言教3季被炒好正常，佢話：「做領隊預咗隨時被炒，極少數人可以長時間留任，教同一隊超過3年嘅人，一定好特別，事實上，好多領隊一般都係教完3季或以下，就要走人，呢個可能係足球嘅特質，亦可能係一種循環，所以我唔認為『莫三季』好特別。」
言下之意，林柏特似乎都認為莫連奴捱唔到今季，就快要執包袱，佢今場會唔會送恩師一程呢？
東網體育FB同你追實體壇每個精彩時刻！
Follow東網體育IG一齊撐本地運動員！