东网电视
更多新闻短片
女子组合COLLAR继成员邱彦筒（Marf）、陈泳伽（Winka）、李芯駖（Sumling）“单飞”获得好评后，女团另一成员许轶（Day），亦于昨日（4日）推出首支个人单曲《Wait A Second》。作为Day的“单飞”头炮，曲风以快歌为主，既有擅长的跳舞元素外，亦有Live Band元素，更邀请了人气小鲜肉范麒智（Kenji）担任MV男主角，二人在MV以学生Look上阵零违和感，不过首次“单飞”出歌的Day自言心情既紧张又不习惯。
Day成为COLLAR第4位“单飞”成员，佢都好兴奋。
新歌《Wait A Second》意旨停一停，是首青春幻想曲，由谢国维编曲监制、陈咏谦填词，Dear Jane成员黎俊华（Nice）负责打鼓，幕后团队阵容鼎盛，Day表示：“今次首歌用咗2、3个月时间筹备，比团歌过往用2、3星期去完成嘅时间长，事前同咗各方面嘅艺术总监倾咗好耐，花多咗好多时间去构思，特别喺录音方面，录咗3次，排舞亦特别去咗日本搵当地排舞导师去排。”
作为第4位“单飞”COLLAR成员，Day坦言心情非常紧张：“感觉系既担忧又唔习惯，但有啲兴奋，好紧张第一次拍MV冇其他成员喺身边，好惊，但好彩今次搵咗一班跳舞好朋友嚟参与MV入面角色，叫有朋友陪就安心啲。”MV拍摄期间，COLLAR成员苏雅琳（Ivy）、沈贞巧（Gao）同陈泳伽（Winka）亦专诚到场探班，为Day打气，表现窝心。Day表示：“队友们有畀好多意见我，由未出歌就帮手谂，我有Send首曲畀Gao听，佢已经帮手作啲搞笑嘅歌词。”
提到终于“单飞”出道，Day透露背后原来是一众COLLAR队友出力推动：“其实我一直好向往团体，但同队友倾偈，佢哋都有自己嘅发展，大家畀咗好多鼓励我，叫我不如都试下，做啲自己想做嘅歌，于是我就尝试。”过往COLLAR成员“单飞”都有好成绩，问到Day会否感到压力？Day说：“冇压力！今年大家都有各自发展同自己嘅作品。对奖项方面当然有少少期待啦，因为亲眼目睹Marf同芯駖攞奖，当时望到佢哋行上颁奖台攞奖，我都好开心好激动，都有幻想当我上台攞奖，佢哋帮我拍掌嘅情况。”
在《Wait A Second》MV中首度跟Day合作的Kenji，笑言第一次跟Day交谈感觉十分紧张，他表示：“其实我本身好紧张，不过我个人好衰，见到对方比我仲紧张，我个心就会安定咗；拍第一个镜头时，我同佢（Day）倾偈，佢有少少僵硬，我问佢系咪I人，佢话自己系超级I（内向），其实佢只系慢热，之后讲多少少嘢，发现佢个人其实都几fun。”
扮学生妹，又靓又Cute。
今次首歌用咗3个月时间筹备，多以前团歌几倍时间。
最开心系获Ivy So、Gao同Winka专诚到场探班。
