东网电视
更多新闻短片
歌手谢霆锋久违香港舞台25年，寻晚（24日）于启德体育园开唱，成亚洲第一人，更不惜工本斥资2,000万打造舞台机关，又先后登上3层楼高的巨型铁球及移动的舞台机关顶献唱，令全场陷入疯狂。今次个唱首场已掀起集体回忆，多次全场大合唱之外，全晚唱足29首金曲，亦唤起万人青春回忆，需求远超供应，难怪个唱门票极速售罄。霆锋是此演出冇换过衫、冇嘉宾，一人独撑全场，4万几人同样超尽兴，High爆全程！
今日（25日）霆锋亦晒出多张靓相，留言：“廿几年嚟一直唔愿意开平凡嘅‘集体回忆’，直到同团队精心设计、完成满意嘅舞台（净系舞台灯就超过2,800盏），先至敢献畀大家今次嘅演唱会，希望带畀你们嘅体验系独一无二。一起写下华人香港演唱会开馆的新一页，thank you bro”
谢霆锋今次开骚掀起集体回忆。
3层楼高巨型铁球！
谢霆锋冇换过衫、冇嘉宾，一人独撑全场。
英皇全员出动力撑男神。
谢霆锋发文解释自己点解廿几年嚟一直唔愿意开骚。
因为佢想要一个不平凡嘅集体回忆。
净系舞台灯就超过2,800盏！
型到裂。
用心打造绝顶舞台。
啲飞供不应求。
一支结他已KO全场。
每一首都系回忆。
Fans劲热情。
男神难得开骚，自然吸引到大批圈中人去朝圣，半个娱乐圈嘅人都到场一睹男神风采，当中就有好友容祖儿、蔡卓妍、关智斌、高海宁、庄思敏、蔡洁、MIRROR成员Anson Kong、Stanley、Jer、Jeremy、Alton、任达华、Gin Lee（李幸倪）、泳儿、VIVA、洪永城夫妇、沈震轩、周柏豪等，星光熠熠。
容祖儿晒出同蔡卓妍等合照，留言直指为咗男神而养声失败，因为佢本身以为今个礼拜唔使去澳门开骚，可以唞吓把声，点不知因为霆锋骚而嗌到差啲失声，仲同霆锋讲唔好以为净系佢喺台上唱到索气，佢哋喺做观众都争啲跟唱到断气：“全晚又激动又感动，我都唔知自己想点😂🥹😛🤣🥰😍😘🤩想当日第一次听无声仿有声 我只系刚刚加入公司小丫头 见到你个背影都畀你吓亲 但系总结咁多年后 你系我见过最好嘅男人之一 经过咗今晚全场观众为你欢呼喝采 相信大家等了25年都值得！我哋一家人为你骄傲！唯一不满意就系你明明应承咗我哋唱嘅……《坏习惯》究竟去咗边呢？呢个坏习惯要改啦⋯⋯❤️🔥❤️🔥❤️🔥❤️🔥”
容祖儿今次养唔到声喇。
佢同蔡卓妍一齐大嗌大唱大跳，差啲失声。
容祖儿（左起）、关智斌同蔡卓妍同谢霆锋情同兄妹。
高海宁亦有晒出睇骚时大合照片，当中开金口《玉蝴蝶》等金曲，连沈震轩都话自己由头跟唱到尾，首首都识唱，艺人们都投入到不能自我，听到前奏都要跟住唱，霆锋魅力没法挡。
高海宁（左）同庄思敏（中）都有撑场。
高海宁成功同霆锋“合照”。
高海宁仲跟住大合照《玉蝴蝶》等金曲。
睇骚High爆。
周柏豪
近半团MIRROR成员都去睇骚。
AK（左）捉实关智斌合照。
蔡洁孖好友们睇骚。
沈震轩都话自己只只都识唱。
洪永城夫妇
周家蔚
