裕美办离婚　高皓正：搞人老婆就唔啱

高皓正和裕美是相识十几年的好友亦是教会教友，对于裕美亲爆正跟圈外人老公林恩浩办离婚手续，他接受《东网》电话访问时连声叹息频说：“唉…老实讲我近期真系冇同裕美联络，因为我忙凑仔，详情我唔涉及，但都略有所闻，佢哋（裕美及林恩浩）两个咁大个人自己解决啦，佢哋两个都系我熟朋友，我唔评论咁多已经系帮咗佢哋。”<br/><br/>不过高皓正无意间漏口风说：“等佢哋自己解决咗先啦，佢哋未离婚。（裕美话佢搞紧离婚？）咁我唔知喎，我唔评论，亦唔发表意见，又唔关我事，我冇嘢可以讲到。”问他可认识裕美绯闻男友黄子恒？他说：“识佢，都识咗好耐，但唔熟佢。（信唔信佢哋两个嘅绯闻？）唔评论，唔知，我只可以讲一句：‘搞人老婆就系唔啱’。（你指黄子恒？）我冇讲边个，冇讲任何一个人，不过‘搞人老婆就系唔啱’系真理，我只可以支持裕美同林恩浩，等佢哋自己成长，外界唔可以讲咁多。”其后，高皓正再接受电话访问，坦言后悔发表意见，因为始终是裕美及林恩浩之间的事，第三者不宜多说。