東網電視
更多新聞短片
鍾舒漫指唔擔心音樂會，反而擔心同場擺設的市集。
1/6
歌手鍾舒漫（Sherman）與陳詠謙於荔枝角出席小型音樂活動的發布會，兩人分別會在六月和七月在場地表演，而陳詠謙亦有在Sherman的新碟中寫詞，Sherman直言分享了很多私人故事，陳詠謙笑言：「其中一首歌係寫家庭叫《苦茶》，知道咗好多佢屋企嘅嘢，依家同佢屋企人一齊飲茶都唔尷尬。」陳詠謙又話之前唔知Sherman的媽咪都係唱歌，笑謂如果爸爸係寫詞自己都會好大壓力，問到Sherman是否很大壓力？她直言：「相處咗咁耐壓力都冇咗，或者有壓力都唔知，平時每次出碟都會畀屋企人聽先，佢哋都好中肯嘅，唔會話自己個女就咩都好，都係係鼓勵多，我係受軟唔受硬嘅人。」
兩人又表示香港多了很多中小型場地，陳詠謙表示有時都會欣賞街頭音樂：「我有試過有人Tag我，原來係個女仔一邊做平板支撐一邊唱我首《脂肪葡萄》，我都問佢有冇寫下歌send畀我聽。（問佢拎電話？）唔敢攞，我依家係有婦之夫。」
獨門千層蛋糕
講到Sherman在六月尾的演出可有準備？她笑言音樂不擔心，反而擔心同場擺設的市集：「除咗爸爸嘅獨門千層蛋糕，仲會有我研製嘅純天然果醬，今次同阿妹（鍾舒褀）一齊搞，佢好多諗頭。」
鍾舒漫直言分享了很多私人故事。
鍾舒漫與陳詠謙於荔枝角出席小型音樂活動的發布會。
鍾舒漫又指自己係受軟唔受硬嘅人。
鍾舒漫、陳詠謙
陳詠謙表示有時都會欣賞街頭音樂。
