东网电视
更多新闻短片
张栢芝呢位前新抱真系识做，竟然亲自画画送畀谢贤，系人收到都甜入心啦！
1/21
7月30日是谢贤（四哥）80岁大寿，儿子谢霆锋及女儿谢婷婷更为他搞了个生日饭局，一对孙仔Lucas、Quintus更送上妈咪张栢芝亲手画的画作做礼物，逗得四哥开心不已！生日饭翌日，四哥便为王晶新剧《赌城群英会》开工，同剧的佘诗曼特别送上巨型生日蛋糕，凼得四哥笑逐颜开。
以为阿佘系男人
谈到首次跟阿佘合作，四哥感觉超开心，但原来他完全不认识阿佘：“真系第一次同佢合作，一开始话系佘诗曼，我话边鬼个佘诗曼，男人嚟㗎？原来系靓女嚟，好开心，后生仔（指住马国明）又系好嘢嚟，净系记对白，都提咗我无数次。”而送上蛋糕的阿佘，则笑着劲嗲四哥谓：“知道同你开工吖嘛！”四哥续说：“同佢拍真系开心到不得了，好有演技，但今次唔系做我条女几失望，哈哈！”马国明闻言即抢着说：“益吓我啦！”
心痛霆锋太频扑
问到80大寿为何不大搞？四哥说：“80大寿好咩？我都睇佢唔起！90呀、800呀，咁先系㗎嘛！其实冇所谓，同埋我真系惊得罪人，所以唔搞，请漏咗会得罪人，有乜所谓吖！”
霆锋近年虽然相当忙碌，但仍特地赶回港为父亲庆祝大寿，十分有孝心，四哥对此说：“佢真系忙到不得了，忙到我心都痛埋。（事前知佢会赶返嚟？）佢预咗嘅，因为佢真系一年里面冇咩停过，每日喎！好少时间留喺香港，我都唔记得自己有个仔！（唔叫佢停吓陪多啲你？）搵银，佢要养我呀，唔搵多啲边够我使？！”
仲有两大至锡孙仔Lucas（左）同Quintus亲手送上大礼，谢贤呢个生日真系大丰收呀！
而佢同阿佘都好多对手戏吓。
谢贤仲系好贪玩吓。
阿佘嗲声嗲气送上蛋糕，系人都冧啦！
睇吓佢哋嘅交流！冧到哩！
成日讲笑嘅谢贤，笑言八十岁大寿唔特别，要八百岁先特别喎，笑咗。
谢贤心痛霆锋忙到一个点。（资料图片）
虽然已经八十岁，但谢贤依然精力充沛。
成班演员似乎系慰问紧谢贤早前撞车后嘅伤势。
佘诗曼（左起）、谢贤、谢雪心、马国明
阿佘仲要卖埋口乖，难怪谢贤对佢赞不绝口。
咁多好戏之人合作，相信套剧出嚟一定好正。
马国明同佘诗曼又再合作喇。
谢婷婷一早就为爹哋八十岁生日做准备，好孝顺。（资料图片）
拍戏时除咗全情投入，仲好搏吓。
谢贤大赞马国明，仲话马明成日提佢对白添。
谢贤同仔女孙仔食完生日饭，翌日又获同剧演员送上蛋糕庆祝。
谢贤仲话最衰阿佘喺戏入面唔系做佢女朋友。
谢贤对阿佘嘅演技都赞不绝口。
阿佘咁多年都Keep得咁好。
