【咁專制？】何佩瑜爆翁子光唔畀拍咀戲

女星何佩瑜（Jeana）、王宗堯、張建聲、周家怡及楊淇等到銅鑼灣出席《導火新聞線》首映。而最近Jeana被拍到與導演翁子光密會，其後她在網上公開合照並叫對方「小寶寶」。記者上前恭喜她，Jeana笑住答「多謝」，問到她的「小寶寶」在哪？Jeana笑說：「佢瞓緊覺，講笑咋，佢嚟緊！（佢睇咗未？）未睇，希望睇完會讚我演技。」Jeana被問到Dry了多年再拍拖是否很開心，她說：「係嘅，充實咗，正常番啲，之前太宅。（平時都叫佢小寶寶？）嗰日心血來潮咋！（平日叫佢咩？）阿翁，或者子光。（見咗家長未？）見咗。（結婚對象？）吓？耐啲睇吓點，係啩，唔知呢。（佢有咩優點？）做嘢認真，好似安全島。（相處多數講電影？）都係，嗜好差唔多，但佢比我睇多好多書，大家會評論唔同角色，傾偈好開心。」<br/><br/>翁子光壓尾到達撐場<br/><br/>Jeana身穿白色封胸長裙，她表示並非男友想她密實，但自爆男友不想她拍肉緊接吻戲：「French kiss唔好，佢話唔好太深入，蜻蜓點水就ok。（之後接戲會問佢？）會傾，但我要接，佢都奈我唔何。（同佢合作？）唔介意。（叫佢捧你做影后？）唔敢諗，有都唔拘，冇都唔緊要。」其後陸續有嘉賓到場，翁子光近乎壓尾到達，他顯得相當避忌，一支箭衝入影院，遺下Jeana無奈地在布景版前，其後在記者邀請下，翁子光步出影院影獨照，但最終兩人沒有合照。