东网电视
更多新闻短片
咁嘅语气，出年好有机会喎！
1/6
歌手泳儿今晚以盛装出席《新城劲爆颁奖礼2018》，Deep V西装褛配高衩裙大骚吸睛长腿！夺“劲爆歌曲”的她，受访时自嘲好怕冻，于台下坐都要用围巾包实，故得悉获奖一刻都措手不及要慢慢除，又自爆感冒2星期都未痊愈：“有年参加另一个颁奖典礼畀人笑话似解除安全带。啱啱先去完内地拍真人骚，出发临上机一刻喉咙剧痛，好彩冇发烧，Keep住饮水，但都好辛苦，要吊住条声嚟唱。”
讲到今年产量比较少，泳儿大派定心丸指下年会努力出歌，更透露已录制了两首歌：“依家做歌手唔系以量为胜，系要等啱时机，等歌缘，唔系愈多就好，要只歌中而自己又锺意。”续预告将派台的歌曲必会令大家眼前一亮：“宣传造型个妆都化得几行，可能未必认得我。（几时派？）2019年。”当记者笑说泳儿2019年就有第一单“喜事”时，她感到愕然“吓”一声，然后回过神笑话：“系呀，出歌系喜事，2019年第一个BB就系我嘅歌。”
追问何时会同男友拉埋天窗，公布另一单“喜事”？泳儿先表示戥同公司艺人锺欣潼结婚好开心，接着大笑话：“随时嫁得㗎！有冇人要之嘛！（Ready未？）唔知，如果呢个Moment突然有人同我求婚，系开心嘅，但有时又觉得未Ready，始终照顾家庭同拍拖系两回事，觉得结咗婚就要好似誓言咁要共度患难、互相嘅承诺好紧要，唔知几时（结婚），可能好快，或者一排，但自己都系比较谂得长远。”
----------------------------
东网巨星开咗ig喇，大家快啲follow啦！
性感上阵嘅泳儿笑言因天气冻喺台下用围巾包到实。
讲起结婚泳儿个样有啲尴尬。
要上台攞奖时要除番啲保暖装备搞到手忙脚乱。
泳儿讲明随时嫁得。
今年产量比较少，泳儿透露出年会努力出歌。
