萧正楠翠如补搞婚礼　曹永廉：好似细佬结婚

艺人曹永廉身为萧正楠及黄翠如身边最好的朋友，阿萧与翠如补摆婚宴，阿廉当然有出席，为一对好友送上祝福。阿廉接受东网访问时谓：“其实我睇住佢哋识嘅！睇住佢哋一步一步行到依家，呢单case我由《师奶MADAM》跟到依家，见到佢哋咁，我真系好开心，佢哋大家锡大家都锡到燶咁，真系好难得，现场见到双方家长，我都感觉到好似自己细佬结婚咁，今次去到就真系食吓嘢，叹吓世界，同佢哋啲家人出去食吓嘢，夜晚大家喺池边倾吓偈，都好开心。”