東網電視
更多新聞短片
咦，呢個Feel嘅朱晨麗大家點睇先？
1/6
無綫小花朱晨麗（朱朱）正努力拍攝無綫民新劇《大醬園》，幾乎每日都要好大體力拍攝，要踩着搵食三輪車四圍「送貨」，日前仲同何廣沛拍攝一場追賊戲，平時見朱朱說話陰聲細氣，斯斯文文，點知追賊時遇上何廣沛，他倆鬧交時賊人又乘機走甩，朱朱嬲到噴火，隨手就執起掃把怒追賊人兼搏鬥，朱朱惡起來真係勁有氣勢！
《大醬園》除展現了朱朱強捍本色，亦表現了溫柔一面，劇中有一隻好可愛的唐狗，不用埋位時，常會跟住朱朱，一提起這隻狗狗，朱朱讚說：「狗狗好乖、好聽話，佢都好聽我話，叫佢sit就sit，劇情需要拍狗狗食肉，將舊肉放喺狗狗前面，同佢講『Eat』，佢至會走過去食，如果冇叫佢『Eat』，佢唔會自己走去食，真係好聽話。可能我有養貓，同動物比較易溝通，唔使埋位時，佢又會黐埋嚟嗲你、陪住你。」
成套劇佢最愛會唔會係呢隻狗仔呢？
幾有氣勢！
仲狂讚狗狗添～
唔知同劇嘅龔嘉欣有冇畀佢嚇窒？
不過一去到拍「打鬥」戲，佢啲火就出晒嚟。
