东网电视
更多新闻短片
圈中唔少女星都选择生B后先公布喜讯。
1/8
艺人谢婷婷今日突然喺晒BB手仔相，惊爆秘密产女！其实圈中有唔少星妈对佗B一事都保持低调，等到BB出世先向外公布喜讯。
诸葛紫岐
名媛诸葛紫岐（Marie）去年曾扬言想为囝囝薛华韬（Arthur）再追多个细佬或妹妹，直至今年1月佢出席完活动再未有喺公开场合露面，原来佢已经同老公薛嘉麟（Ernie）追人成功，去到今年4月尾，佢孖住老公同大家报喜，宣布于加拿大诞下二仔Andersen，一家四口相当幸福。
张栢芝
本身育有两子嘅艺人张栢芝，去年5月喺上海出席活动后就一度神隐半年，同年11月传出喺养和医院秘密诞下第三胎，直至同年12月佢终于透过工作室，喺社交网官宣诞下三仔“小王子”，不过就对BB生父绝口不提，而今年1月起佢亦正式全面复工。
郭晶晶
向来行踪低调嘅“跳水王后”郭晶晶，去年7月孖住老公霍启刚返娘家探望亲友时，被拍得肚凸凸，直至今年4月突然传出晶晶原来已经秘密生B，而霍启刚亦随即透过社交网报喜，宣布太太早于今年1月已诞下三女，为大仔霍中曦及二女霍中妍增添一名细妹。
谢婷婷今日报喜话个女已经出咗世100日。
郭晶晶早前亦秘密生B。
今年4月尾报喜话喺加拿大诞下二仔。
张栢芝去年秘密生咗第三个仔。
为大仔同二女增添一名细妹。
但从未公开细仔生父系边个。
诸葛紫岐早前秘密佗B。
