东网电视
更多新闻短片
好好Feel呀！
1/3
歌手苏慧恩（Ophelia）近日邀请处境剧《爱．回家之开心速递》的“细龙生”郑世豪一齐开直播，Ophelia的男友与世豪的姪女也有现身支持。直播期间不少粉丝都点唱《爱．回家之开心速递》的主题曲，不过，Ophelia自觉未练好这首歌，故直播时没有演唱，到直播结束后，Ophelia马上练歌，之后两人合唱该曲，并录下合唱片段放上网送给粉丝们。
郑世豪表示跟Ophelia认识了很久，但合唱还是首次：“我好佩服佢坚持做音乐，所以佢话开直播，我都好想参与，见佢好努力咁开过两个演唱会，我都好希望自己搞番一个个人演唱会，不过嚟紧出咗首新歌先，而之前出咗首《Copy and Paste 》网民都好锺意，因为反映到打工仔心态，好写实，下一首歌希望可以今年年底或下年头推出啦！”
至于Ophelia很开心世豪跟她一齐做直播及合唱：“live嗰阵有啲人点播《开心速递》主题曲几次，世豪话难得姪女又喺度，你男友又喺度，真系一家亲，不如你快啲练下首主题曲，咁我就即刻练下首歌，因为第一次唱，初初都有啲担心，不过夹咗一阵就愈唱愈轻松自在，佢姪女又好投入咁拍手掌，之后我哋录咗送畀网民！好多谢世豪肯过来live，知道佢平时好忙，今次佢仲教咗我一啲开live秘技，真系获益良多。”她坦言很羡慕世豪可以又唱歌又拍剧，认为能做到一个令巿民大众都记得的角色会很有满足感。
---------------
立即参加“赏您睇”： http://bit.ly/2JWKULh
Click下面粒掣，储on.cc coins！机票、家电、超市礼券、过万份奖品等紧你。
两人首次合唱。
四个人大合唱。
