东网电视
更多新闻短片
台湾男神彭于晏（Eddie）近年全力于内地发展，由于疫情关系，移居上海嘅佢遇上封城要留家抗疫，佢趁住有时间就“厨神”上身煮嘢食，仲喺社交网同网友开心Share成果，睇到佢煮出嚟嘅餸卖相当唔错，隔住个Mon都闻到香呀！而佢食咁多嘢都唔肥，当然有Keep住做运动操Fit啦，佢喺呢段时间一啲都冇松懈㗎，密密做Gym保持最佳状态。
不过被困喺屋企咁耐，始终都会闷嘅，佢被发现经常喺社交网回覆网民私讯，好似佢会帮女网友拣着咩衫，仲帮手拣埋衬咩唇膏，冧晕唔少女网友，被赞系个超级暖男！而佢喺一堆回覆网友嘅私讯中，亦透露咗自己喺呢段被隔离时间嘅心声，佢话密密回覆网友嘅原因：“我只是太无聊！”即引起网民热议，唔少网友都话好同情佢，仲讲笑话“再隔离下去，彭于晏要网恋了。”
彭于晏密密做运动操Fit！
仲有落厨煮嘢食！
彭于晏经常同网友私讯。
因为彭于晏实在太无聊啦！
