东网电视
更多新闻短片
台湾歌手杨丞琳去年于河南郑州巡唱上发表“河南人爱骗人”言论激起舆论，虽然佢消失咗一段短时间之后，就已经照常现身巡唱骚，不过上月有指佢会参与做四川卫视嘅元旦演唱会嘉宾之一，点知寻日（1日）节目出街后，佢竟然消失于风雨中！
去年12月12日，四川卫视曾预告跨年演唱会将请嚟大批当红歌手李宇春、张韶涵、杨丞琳等，后来就有网友发现杨丞琳突然喺表演名单中消失，正式播出时更系唔见影。对此，好多人推测或许系因佢失言事件仲未解决所致，不过亦有粉丝称佢本周六要去上海开唱，人气仲好旺，唔会因故取消，亦有知情人称只系因为表演曲目“版权问题”先冇播出佢嘅表演片段。
杨丞琳忽然喺表演名单中消失。
明明一个月前已经官宣…
有网友指系关版权问题事。
不过亦令人联想起佢失言事件仲未解决…
