东网电视
更多新闻短片
視頻觀看次數: 61.2k
“大帅哥”张卫健近日预告将同组合“BIG FOUR”成员梁汉文、苏永康、许志安再度合体开骚，已经出道39年嘅佢，近期就先到澳门举行演唱会，不过寻日（25日）网上流出彩排时疑出现意外，张卫健由高空堕下嘅惊人画面曝光！
张卫健将在2月12日开骚，当中就有一幕佢同一座白色钢琴绑埋一齐，并悬吊半空中，当下正在彩排演唱会环节，张卫健边弹钢琴，同时亦边同钢琴顺时针旋转，突然成个钢琴疑不堪负重突然下坠，张卫健即被钢琴压喺下方，身旁嘅工作人员及拍摄者都立即停下手头工作，上前关心佢有否受伤，场面非常惊人。
张卫健以歌手身份再打天下，依家就积极彩排演唱会。
大家都知佢够博！
今次仲要连人带钢琴由高处堕下。
成个人都反转喇。
个心离一离。
东网即联络张卫健，询问佢有否受伤？佢即中气十足报平安，更表示已将该表演环节取消：“冇事呀！冇事呀！大家放心！冇事呀！呢个系之前嘅彩排，已经取消咗喇，我依家个环节已经取消咗。放心，冇事冇事！（因为出意外所以取消？）呢个表演唔系因为太危险取消，我相信将来都会用番，不过要等啲零件到齐咗，到时先会再用，唔使急啦。”
不过佢话呢part已经取消。
但之后都好有可能会摆落往后嘅骚入面。
