东网电视
更多新闻短片
内地“顶流小生”之一嘅白敬亭、魏大勋、魏晨日前一同为央视春晚演唱《上春山》，三大小生本来靓靓仔仔唱两嘴就完骚，点知就爆出一连10几个热搜成为网友嘲讽热话！有网友留意到当时个表演三人走位奇特，为配合歌词内容，台上有一个三级台阶，当中白敬亭一开始就企最高位，之后佢唱完个人部分就一直未有再走位，搞到紧接佢唱歌嘅魏大勋就被迫继续企原位，即系低白敬亭一级嘅位置，反而到魏晨第3个唱时，魏大勋就做出“请先行”动作，疑似请白敬亭离开台阶，魏晨终一人企C位演唱，古怪表演令网友满头问号。
白敬亭系顶流之一，不过今次表演次后唔知地位仲保唔保得住…
佢一直企C位唔走，要被魏大勋（左二）请佢落台陼。
搞到出现魏晨独自企舞台唱歌。
有网民就翻出疑似彩排影片，见白敬亭同魏大勋、魏晨本身似系被安排“轮流站C位”，但到正式演出时，白敬亭就疑霸住阶梯最高位置后就冇再改变位置，直到魏大勋出掌将白敬亭推住走，先会出现魏晨独自企舞台一幕，即令网友有所联想，大赞魏大勋正式表演时临危不乱，谂到“出掌”去执生，追赶上原有表演安排。不过亦有白敬亭粉丝称本身企位就系咁，唔信偶像霸C位。
节目表演完之后，三子接受多个访问，多位主持人都不约而同问到好似大家都换咗衫，魏大勋、魏晨先笑笑口爆料，暗指白敬亭先后独自换上唔同色系嘅上衣，又戏称本身大家夹好咗先同左边观众拜年，点知到正式表演时，白敬亭就自己同右边观众拜年等，花生满地。而被闹出“争C疑云”后，白敬亭各大社交平台都发现有大量脱粉现象，数字以万计咁被unfollow，一个表演就搞到人气下滑，得不偿失。
多位主持人都发现到白敬亭嘅衫同其他二人特别唔同…
疑似彩排片段流出。
连拜年左右都差啲搞错。
睇到啲脱粉数字都心中一寒。
