东网电视
更多新闻短片
卫生署卫生防护中心寻日（5日）表示，保良局香港道教联合会圆玄小学办内地游学团爆急性肠胃炎，共26名学童自上周五（1日）起陆续出现呕吐、腹泻、肚痛及发烧病征，全部病人情况稳定。原来当中艺人吕慧仪仔仔黄柏翘（蟹籽）就系就读该校，佢贴出家长群组对话截图，见到有多名家长对学校处理手法大感不满，并指有小朋友向家长报称老师曾购买一啲当地小食。吕慧仪指唔只有30名同学仔呕吐及发烧，更多于2名同学到医院求医，远超于公布人数。佢又提到今次游学团属强制性，部份家长包括佢本人亦冇收到学校电话查问情况，质问学校将如何处理今次事件。
吕慧仪仔仔就系今次有份参加内地游学团后，染上急性肠胃炎嘅学生之一。
吕慧仪指唔只有30名同学仔呕吐及发烧，比公布数未多。
佢写道︰“星期六（2日）晚起陆续有小朋友发病，直到今天（4日）仍有小朋友开始发烧呕吐，如果今天开始病，学校没有及时处理，可能影响全校的小朋友那怎样办呢？”又贴出探热针相，并透露阿仔“好耐无烧得咁行”、“吓死娘亲”，佢为咗照顾阿仔，自己都冇得瞓，每隔一、两个钟就起身帮阿仔量体温。及后佢表示阿仔依家已退烧，不过两日冇返学，而仔仔早于回港当晚起便肚痛，翌日呕咗几次，要入院打止呕针，发烧足足两日。佢称学校直至寻日（5日）朝早7时先出通告提及有关新闻，中午再出通告提及学校如何处理及消毒。
原来阿仔早于回港当晚起就肚痛，翌日呕吐。
依家都总算系退咗烧，慢慢康复。
