东网电视
更多新闻短片

北野瑠华离开SKE48后作单飞发展,并以半裸姿态喺写真界抢风头。(互联网)
系人都知“树大好遮阴”,能以大型人气团体成员身份发展演艺事业,确系较为舒服,但始终有一日要从团体毕业,呢个时候要Keep住人气,就要靠自己,好似上年离开SKE48嘅北野瑠华,一单飞就嚟个大解放,以半裸姿态喺写真界抢尽风头。
小家璧玉
日本艺能界大型团体AKB48一直为写真界孕育咗唔少高质女优,好似拥有一副“棉花糖Body”嘅前成员小嶋阳菜,最近又推出咗一本辣度惊人嘅写真集。至于姊妹团体SKE48亦唔弱,前成员须田亚香里、大场美奈、石田安奈都成功喺写真界做出好成绩,而身为师妹嘅北野瑠华亦喺最近加入写真界,展现自己性感一面。
出身于岐阜县嘅瑠华,今年25岁,气质温文,一副小家璧玉嘅模样,好得人锺意!与此同时,阿妹嘅身材亦好吸睛,上围对D奶有睇头之馀,仲有个浑圆上翘嘅蜜桃臀,绝对有条件成为美巨尻天后秋山莉奈嘅接班人!

北野瑠华嘅气质清纯,一副小家璧玉嘅模样,惹人喜爱。(互联网)

心口对D奶相当有睇头!(互联网)
大露波边
北野瑠华喺2013年成功考入SKE48呢个大型团体,系队内第6期成员,试过担任Team KII副队长,但成个发展历程只能够话系平平稳稳。2024年,瑠华从团体中毕业,开始以个人歌手身份发展,问题亦开始涌现,皆因喺过去嘅日子,起居饮食一直得到家人照顾,平时出入唔同场合都有专人安排,所以当初只身搬到东京发展演艺事业,真系好唔习惯!幸好瑠华份人够坚强,面对种种困难都冇话退缩,反而立定志向要喺写真界创一番事业,于是第一次推出个人写真集已经好拼搏,半裸上阵兼大露波边,令唔少粉丝留下深刻印象,仲盛赞其演出充满诱人“色香”添!希望阿妹之后再接再厉,为大家送上更多惊喜啦!

拍写真之馀,瑠华亦有参与舞台剧演出。(互联网)

半裸演出写真集,阿妹够晒拼搏!(互联网)
除咗拍写真,近期北野瑠华亦忙于为舞台剧做宣传同彩排,登入其社交网,就会知道佢嘅最新动向。
Profile
年龄:25岁
身高:5呎2吋
三围:33D-23-33