东网电视
更多新闻短片
拥有商业学位嘅Suchaya Thongsri，堪称美貌与智慧兼备。（互联网）
从商做老板系唔少人嘅梦想，于是每年总有大量年轻人涌入大学读商科，但拥有商业学位又系一定要走去做生意先叫学以致用呢？未必！泰国索模Suchaya Thongsri嘅成名故事就好有参考价值！
一举爆红
唔少人睇过Suchaya Thongsri嘅写真，都会给出“样靓身材正”呢句评语，但呢位嚟自泰国曼谷嘅性感模特儿，并非只系拥有迷人美貌同火辣身材咁简单，而系一位读到书又有想法嘅才女！话说阿妹系泰国农业大学商业经济系嘅毕业生，当初投身模特儿界，系因为自细贪靓，对模特儿工作好有兴趣，升上大学后，一次偶然机会，获邀担任摄影模特儿，而呢次工作经验令佢对投身模界发展更有期待。及至该辑写真喺网络发布后，唔少人对Suchaya Thongsri呢位青春逼人嘅模界新丁抱有兴趣，人气随之急升，模特儿工作亦接踵而至。
Suchaya Thongsri有令人心动嘅魅力。（互联网）
副偈咁高质，难怪可以喺短时间内成为人气网红。（互联网）
懂得变通
查实Suchaya Thongsri第一次做模特儿嗰阵，只系抱住圆梦心态，冇谂过有下次，殊不知坊间嘅反应咁好，成件事好似发紧梦咁，令佢喜出望外。之后接连拍摄几辑写真，人气愈嚟愈劲，自信心亦愈嚟愈高，阿妹开始为未来嘅发展进行规划——第一步系开始行性感，接拍泳装同内衣写真；第二步就系积极经营网络社交帐号。经过呢番操作，Suchaya Thongsri成功建立起性感网红嘅形象，并凭住不断派福利，获得大量网民嘅支持，知名度同吸金力都有所上升。曾经有人问阿妹，投身模界会否觉得浪费自己嘅专业知识，佢就话商业头脑唔一定用喺做生意方面，懂得变通呢个道理先系重点，无论做乜嘢行业都能够做出成绩，而事实亦证明如此。
阿妹自称性格活泼，唔知大家感唔感受到呢？（互联网）
自从投身模界，阿妹嘅写真演出愈嚟愈火辣。（互联网）
Profile
出生地：泰国曼谷
身高：166cm
三围：34D-23-34
堪称美貌与智慧兼备嘅Suchaya Thongsri，好识得利用互联网，为自己争取事业发展嘅筹码，登入其社交网，就会搵到唔少吸引眼球嘅性感写真。
