东网电视
更多新闻短片
巴黎时装周吸引全球关注，各大品牌请嚟唔同名人明星星光熠熠照巴黎，当中就有艺人郑希怡（Yumiko），佢获品牌邀请亮相秋冬系列发布骚，仲提早一日到巴黎，同蔡卓妍（阿Sa）饭敍见面，Yumiko说：“今次系我第一次去巴黎睇show，见到好多打扮得好有型嘅人，亦都有朋友喺度，同阿Sa食饭，他乡遇故知嘅感觉，几时都系咁温暖。”
Yumiko未睇骚先兴奋，同阿Sa及马天佑饭敍。
他乡遇故知，开心。
而一直对穿搭有独到理解、偏爱黑色系嘅Yumiko，于品牌发布骚上，以一袭黑色高领衬衫搭配沙漏包臀裙亮相，演绎率性时尚表达。Yumiko简单发型配黑色蝴蝶结，配上红唇，令人眼前一亮。原来Yumiko特别邀请老公、著名化妆师Andy Leung为自己化妆，Yumiko说：“好耐冇一齐做嘢，今次寓工作于娱乐，同佢留多两日，行吓街去吓博物馆，玩吓！”完骚后，Yumiko即急急搵嘢食，最后拣咗牛肉面医肚：“今日全日都好忙，都冇时间食嘢，完全唔记得食嘢，完骚后就好肚饿，食咗碗牛肉面，好满足。”
正式去睇骚，成个Look好型。
连个妆都系出自老公手笔。
性感又够Chic。
佢仲寓工作于娱乐，同老公留多两日去玩。
同品牌设计师合照。
Yumiko同韩国演员金瑞亨合照。
