东网电视
更多新闻短片
前港姐冠军李珊珊于2000年离开无綫，2004年拍罢有线剧便绝迹幕前演出，之后更神隐多年期间曾传出患怪病，及至2017年才承认患上惊恐症，多年煎熬亦影响她身形容貌大改变。一直低调的她去年终战胜情绪病，抱着“以生命影响生命”的理念创业，伙友人开设网上频道，除了以过来人经历主持节目分享情绪病资讯外，亦提供其他娱乐资讯节目。
日前她接受电台访问，谈及2016年曾有报导指李珊珊于家中晕倒需人破门入屋，当时更传出她脑生瘤，李珊珊重申：“我都好想澄清，第一，我冇脑瘤；第二，因为我唔想整烂度门，所以每次我要打999个阵，几辛苦都会先开定门等人嚟救我。”她承认当年已受惊恐症影响，但找不到病因：“每次我知道嚟料，会又屙又呕，会抖唔到气，所以我会慢慢爬出屋，开定门等消防员嚟，因为我唔想佢哋爆门。嗰阵唔知道系惊恐症，系一‘口旧’云唔知发生咩事，但系症状愈来愈频繁，每次病发都要摊四日，食少少嘢就泻，完全起唔到身，要医院留院。”
李珊珊澄清冇脑瘤。
未确诊惊恐症前，珊珊指试过遍寻名医亦找不到病因：“肠胃、心脏科好多科都睇过，最艰难探索咗成一、两年，之后转介咗去精神科专科医生，就得出答案。”被确诊出惊恐症后，坦言没不开心，反而是释怀：“当知道答案就好开心，因为之前寻寻觅觅、重覆又重覆咁，感觉好恐惧，当精神科医生话我知系惊恐症，我真系如释重负！起码依家我每日可以正常操作，唔会令我一出门口就喷射式呕吐。”
被问及是否长期食药影响身型，珊珊则乐观面对：“唔好谂啦，我一定唔系因食药而肥，可以稳定到病情我已经好开心，其他嘢我尽力咗改善唔到，我就接受住先。我甲状腺功能低，系好难做剧烈运动。系难受，因为系永久性，我条气管收窄咗，但无办法我都已经接受咗。”
被惊恐症困扰多年。
早前，李珊珊称已维持了单身3年，她坦言入行至3年前，一直没有停过拍拖：“呢3年就系想自己试下一个人会系点，我18岁开始就好似放题咁冇停过（拍拖）。不过喺3年前就开始谂，每次好似都起承转合之后就完，觉得唔会咁易有涟漪情况下，就唔好乱咁嚟。”当年盛传不少富家子、富豪都喜欢追求港姐，问1996年四料港姐冠军的珊珊有没有经历过，她说：“呢个系我第一次讲，系有被追求过，但我系要睇同嗰人夹唔夹到同有无感觉先会开始，我最衰系感觉行先，唔系我就发咗啦！”
她首揭被富豪追求的经历：“曾经有人经身边人搵我，想我做佢女朋友，仲话真系做佢女朋友，就送层价值3千几万嘅楼畀我，仲叫我自己去拣架新款跑车，呢个只系开头，嗰个介绍人都可以收20万落袋。”问她为何拒绝金钱诱惑，她说：“我就系觉得好奇怪，呢啲叫男朋友咩？我嗰阵就同佢讲：‘如果我条命整定系有呢个钱，我都可以系其他方法赚到，唔需要咁样嘅！’咁就拒绝咗对方。”
李珊珊的前度曾在朋友起哄下当众向她婚，她说：“嗰次喺讲笑、玩，唔系真，依家佢幸福，我就开心，人哋有咗家庭，唔应该再讲。”问到往后的拍拖关系，可曾遇上求婚者，她坦言：“曾经有啲关系讲过咁样，但我觉得我做唔到，所以唔得。”亦分享对婚姻的看法：“我好重视承诺，所以唔好害人。因为我唔知道同对方关系可以行到几远，唔想冲动结婚而破坏承诺。我觉得自己感情比较丰富，我亦唔知道日后我系点，咁就唔好结婚去害人。”又指现阶段只专注网台发展，以过来人身份帮助情绪病患者。
她自爆自18岁起一直桃花不断。
曾有富豪送3千万楼力追。
