东网电视
更多新闻短片
TVB热播剧《夺命提示》好唔好睇见仁见智，但一班养眼小花，搏尽卖弄性感引起话题，却系不争嘅事实。例如最强Body刘颖镟（Tiffany），凭住大长腿小背心率先跑出，除咗大跳热舞非常吸睛，第二周更上演大尺度“床上喂提子”名场面，麻甩仔睇到流晒口水。
白背心黑裤仔上阵嘅Tiffany，以小猫步爬上半裸张振朗张床，大晒甜笑同电眼，娇声嗲气问：“想唔想食提子呀？”晕得一阵阵嘅张振朗梗系𦧲饭应啦！呜呀，Tiffany随即以口咬住提子喂到张振朗嘴边，张振朗则以嘴咬实，喂呀，睇得出张生坚系晕晒大浪！
我的妈呀，咁Hot咁性感得唔得㗎？难怪此幕一出，网上嗌救命之声此起彼落，真系叔叔不行了，咸湿仔大喊“硬晒”！系拳头硬晒呀！张振朗拍剧有此艳福，简直系全世界男人嘅公敌！
好啦，卖弄性感又点止Tiffany，仲有一直以“A0”见称嘅郭柏妍（Rosita）。佢同过气绯闻男友丁子朗有场瞓枱亲热戏，只见Rosita被丁丁胸对胸压到实一实，Rosita外衣半褪得番件小背心，笑淫淫回眸望实镜头，哗，同平时嘅纯纯兔判若两人！咸湿仔形容为“够晒姣”，算唔算系赞赏就唔知，但Rosita演技大突破就肯定！
近年TVB剧集收视每况愈下，大洒盐花已成惯技，就算刺激唔到收视，起码赢咗话题。最重要嘅系，实在有太多小花排住队争上位，毫不介意露两手冧观众。Tiffany同Rosita深明游戏规则，抛胸抛腿抛媚眼，抵佢哋走红啦！
郭栢妍（下图）与刘颖镟的火辣场面，令人睇到心痒痒。
