东网电视
更多新闻短片
男团MIRROR成员姜涛早前趁愚人节（1日），喺社交网度同大家开个玩笑，留言称下世唔想再做艺人：“希望下辈子 不会再是艺人 #愚人节快乐”本来系讲吓笑当应节，点知一石激起千重浪，有大批不明所以嘅黑粉即刻冲出嚟，狂闹佢如果唔想做艺人，当初就唔好参加选秀入行，亦有人轰佢呢个行为系对粉丝不负责任、身为公众人物唔应该放负等，骂声一片。
姜涛系MIRROR人气王，人红自然招人妒。
今次佢愚人节出post，讲笑话唔想做艺人。
网友一于冇理闹咗先。
此举竟引得姜涛激罕回覆网友，直言对方太认真：“兄弟你太认真了⋯⋯而且下世体验吓第二啲人生唔系几好咩~咁都要俾你闹😅你压力好大喎”点知讲多错多，黑粉打蛇随棍上，仲拖埋佢好兄弟193落水，指佢学咗有“Haters教育家”之称嘅193咁，唔覆Fans，反而回覆haters，仲问佢系咪畀咗个Account 193帮佢出post，寸味极浓。眼见好兄弟社交网沦骂战场，193亦亲自现身，为兄弟“挡子弹”谓：“对哦，我是姜涛～我跟193交换帐号玩啦”最后搞到佢都被网友闹埋一份。
姜涛激罕回覆网友，直言对方太认真。
间接令骂战继续升级。
连好兄弟193都被无辜中箭。
为咗好兄弟，做个衰人都要喇。
