东网电视
更多新闻短片
型男谢霆锋月底启德骚一票难求，他昨日已要社交网派福利，表示会私人醒大家20张门票，认真窝心。不过20张飞又点可以满足全部人？霆锋今日（3日）在社交网又发功，透露会派更多福利给大家。
他写道：“你哋话我送20张演唱会飞边度够满足晒咁多人，又话攞到嘅机会好渺茫，你哋嘅诉求，我完全听到晒，但我手头上只可以攞到20张飞送畀你哋！不过我又谂到第二样礼物送畀大家！就系再加送演唱会神秘盲盒，名额20个，但神秘盲盒系乜嘢就唔同大家讲住，不如等我谂吓点样送啲飞同演唱会神秘盲盒先，再畀啲时间我。”今次霆锋再派福利，Fans继续洗版留言问盲盒是甚么，最好就再送演唱会飞啦！
霆锋之后再埋点样攞飞和盲盒：“大家有兴趣想攞到我演唱会飞或者我演唱会盲盒嘅朋友要听住啦！我决定玩《逆行》锋狂唱挑战 ！唱我嘅新歌《逆行》，我会录我嗰part，跟住尽快IG出片畀大家Remix玩，限时72小时，大家可以以任何形式同我唱《逆行》都得，例如你锺意滑住雪、煮嘢食、玩结他都无所谓㗎！记得玩完Tag我 ，被我拣中嘅话你就可以自己选择演唱会飞或者演唱会神秘盲盒！记得由我出片计，限时72小时🤘”
霆锋送20张启德骚飞满足唔晒大家诉求。
佢今次再派福利。
真系好有心！
