东网电视
更多新闻短片
歌手出身的视帝王浩信近年转展内地发展，成绩甚佳，日前与前辈黎瑞恩于美国开骚，爆肌跳唱辣爆全场，为之后内地开唱预热。
王浩信前日与黎瑞恩于美国三藩市首次合作开演唱会，今年是浩信入行20周年，之前透露稍后亦会于内地开纪念演唱会，是次美国演出可谓预热。而现场气氛非常好，不少女粉丝都大叫浩信“好靓仔”，向来健硕的浩信亦不忘大派福利，穿着背心开胸示人的他，大骚巨臂、胸肌及腹肌，引爆全场尖叫。本身是歌手出身的他除了唱出多首慢歌《甘心替代你》、《当年情》、《至少还有你》等外，更有唱轻快版《吻别》及跟小恩子跳唱《APT.》等，实在是唱得又睇得。
王浩信孖黎瑞恩开骚。
合唱多首经典金曲。
王浩信爆肌上阵。
大骚巨臂、胸肌及腹肌。
劲歌热舞。
令全场尖叫！
唱到大湾区
浩信昨日接受本报独家访问时谓：“其实今次做一场真系唔够喉嘅，同埋好荣幸可以同小恩子合作，大家都唱咗啲经典歌，佢都系我哋嘅儿时偶像，同佢唱学友嘅歌好似有穿越感觉咁，同埋今年系我入行20周年，表演方面都想同以前唔一样，所以喺衣着同拣歌方面都希望畀到观众新鲜感，想话畀大家知，20年都好，都系希望有啲新冲击带同畀大家，今次算系一个序幕，之后会喺大湾区开，分享陪住大家嘅歌曲。”
王浩信直指开1场唔够喉。
好荣幸同黎瑞恩合作。
而黎瑞恩受访时亦表示首次跟浩信合作，原来之前2人是不相识，她说：“佢系拍剧，我系歌手，大家工作岗位唔同，不过之前同佢一齐练歌，发觉大家倾落都好多嘢讲，睇得出佢系个好勤力嘅年轻人。”说到浩信骚肌，她谓：“有料做乜唔骚呀？同埋美国啲观众好热情，搞到我差啲想喊。”她又表示因为有工作在身，所以只留在美国4日，完骚即赶返香港，之后会先禅修再闭关，更会为即将推出的新歌作准备，有可能会挑战跳舞。
黎瑞恩指本来与王浩信不相识，结果一拍即合。
