东网电视
更多新闻短片
京东集团(09618)正密锣紧鼓进军香港，HKTVmall母公司香港科技探索(01137)副主席兼行政总裁王维基喺fb发文，话朋友告知，京东香港个App同HKTVmall嗰个相当之似样，“连图案“学”得似模似样”，“难分真与假”，直言“你兵不厌诈，我兵来将挡，我哋要努力。”
王维基又问，京东话“买贵即赔”点解净系@百佳、惠康、百老汇、丰泽，无提HKTVmall，到底系睇佢唔起，定系知道自己唔够HKTVmall平？
正当大家食紧花生之际，京东方面啱啱喺fb出po，先礼后兵，话多谢王维基对京东哋关注，仲要@埋Ricky Wong，话完全明白佢对京东开拓香港市场嘅疑虑，但“京东嚟香港，唔系要同边个斗，而系想将真正嘅着数带俾每一位香港街坊。”
之后动之以情mode全开，话香港市民一直以嚟都要面对比内地高好多嘅物价，包括高昂嘅租金、运费同服务费。京东嘅营运模式系自己做货、自己起仓同送货，将成本压到最低，绝对有能力将世界各地嘅优质货品，以更抵嘅价钱、更好嘅服务，送到香港每家每户。
更加抽嘅系，京东话既然王维基“开咗个头，我哋都好乐意同你比下边个对客更好”，于是正式宣布：京东App喺香港今年已经全面推行全类别满188蚊免运费送上门服务，依家到6月底大家电销售旺季，所有香港客买嘅京东自营家电，都会免费上门安装！
