政Whats噏：麦美娟邓家彪　狠批政客将抗疫政治化

疫症当前，人人理应齐心抗疫。不过，工联会议员麦美娟就同党友邓家彪今日（28日）喺网台节目上，批评本港同其他国家都有政客将抗疫政治化，仲闹爆有部分本港政客冇良心，剩系挂住叫外国制裁香港。<br/><br/>邓家彪重提自己曾经试过喺美资网购平台上订口罩，但就寄唔到返香港，质疑早前有民主派人士透过外交通道，先可以从美国运到数以十万计嘅口罩返香港。<br/><br/>最近有个新绰号叫“契姐”嘅麦美娟，就随即炮轰呢班同美国有特殊关系嘅人，在现时应该对抗疫情嘅时候，仲挂住叫佢哋嘅“契哥”美国制裁香港，呼吁呢班政客要有良心，应该团结啲一齐做好抗疫工作。