政Whats噏：讨论法官投诉起争拗　葛珮帆叫郭荣铿咪乱吠

最近法官嘅言论备受争议，立法会司法及法律事务委员会今日(22日)嘅会议上，议员葛珮帆(EQ)要求讨论司法机构处理针对法官嘅投诉，但法律界议员郭荣铿质疑EQ只针对个别事件，斥EQ指指点点，EQ随即反驳话只系喺信中举例，仲话“如果你唔睇人哋封信就唔好喺度乱咁吠！”<br/><br/>唔少人关注法官嘅行为同言论，早前有法官处理同反修例事件有关嘅案件时，因为加插个人意见，后来司法机构将相关法官“换走”，但同时又有法官出现类似做法但未被换。<br/><br/>EQ今日喺会议上话法官嘅裁决对社会有深远影响，但司法机构未有以同一标准去处理投诉，所以早前去信要求事务委员会讨论呢个议题。郭荣铿批评EQ唔尊重司法独立，认为唔可以就个别法官嘅判词去讨论，应要讨论成个机制，仲话“如果你唔熟书嘅话就应该要睇吓点处理”、“依家你系法官定人哋系法官呀”。<br/><br/>之后EQ质疑郭荣铿冇睇到佢封信，又称自己封信系讲明系要求司法机构以相同标准处理投诉，相关案件只系举例，唔系要求处理个别案件喎。事务委员会主席梁美芬随后都解释，话要求嘅议程冇提法官嘅姓名，又认为值得讨论喎，会要求当局书面回覆。