政Whats噏：单仲偕被判刑区会主席将出缺　料梁锦威接替现暗涌

葵青区议会主席单仲偕(?鸡)因前年10.1游行而被控组织未经批准集结，早前佢承认控罪，被法庭判处入狱14个月、缓刑24个月。根据法例佢嘅议员资格已告丧失，连带影响到葵青区议会主席职位悬空。据了解，早前有传副主席张文龙觊觎主席空缺，不过预料最后大伙偏向推举该区区议员梁锦威上位接替，并预计喺7月大会上举行主席补选。<br/><br/>《区议会条例》列明，如区议员被定罪并判处超过3个月监禁，而刑期又唔可以用罚款代替，不论系咪获得缓刑，都将丧失议员资格。若然区议员提出上诉，就会首先暂缓取消资格安排。其实喺?鸡被判刑前，已有传张文龙同区议员冼豪辉或会角逐主席。之不过，及后就传出区议会部分民主派人士倾向支持梁锦威补位。<br/><br/>对于政府还未宣布?鸡嘅议席出缺，就有人意图问鼎佢嘅主席宝座，?鸡就话相信政府好快作宣布，认为总要为补选做准备，但就唔评论有边个候选人想出战喇！佢仲透露自己呢排已经分批相约该区区议员同党友食“散水饭”，睇嚟佢都已经为被DQ做好准备啦。<br/><br/>张文龙就被问到，系咪如传闻般有意竞逐主席职位时，张就话人选方面大家已达成初步意见，但仲未落实，又指大家都觉得呢个位系“猪头骨”，边个得闲或有勇气承担就去做，而自己都系继续担任副主席做支援就得喇喎。<br/><br/>至于大热人选梁锦威就回应话，?鸡判刑无耐，要再讨论补选问题，暂时未有下一步计划，而自己仲未仔细考虑系咪参选。不过，值得一提嘅系，梁身兼支联会常务秘书部召集人，依家支联会正被卷入政治风眼，未知将来会否出现暗涌。