政Whats噏：料消费券能促经济　梁兆基：好过“折现”

令人翘首以待嘅电子消费券计划快将开始，香港总商会总裁梁兆基今(29日)出席一个活动，期间佢提到即将登记及发放电子消费券，认为政府此举确有助刺激经济，加上商户会推出优惠予以配合，相信市民最终嘅消费额唔止5000港元，绝对比“折现”好咁话。<br/><br/>消费券对经济嘅提振作用究竟如何？梁兆基解释，因应疫情游客无法来港消费，派发消费券以刺激本地消费市道，既可帮助商铺，且对经济有提振作用。况且市民为咗使用消费券，额外支出实难避免，故相信派5,000港元电子消费券畀市民，最终消费额系唔止5,000港元，呼吁市民尽量使咗佢。为提升消费券对内部经济嘅连锁效应，商会同时间会有其他优惠，又希望其他商铺亦可以为消费者多加优惠。<br/><br/>至于梁早前曾认为“折现”较派发消费券更好，佢坦言市民需求各不相同，有啲觉得要使咗佢，有啲就想袋住，但由于政府派消费券嘅初衷系振兴本地经济，希望多啲人使钱，所以喺呢方面来讲，消费券刺激作用会比较大，若“折现”的话，所得嘅现金就未必全数用于商业消费。