东网电视
更多新闻短片
林哲玄加入政党嘅委员会自组名单。
立法会《议事规则》修订后，自组名单喺委员会席位分配上较为占优，唔少无政党背景嘅议员都纷纷加入政党组成嘅名单，以尽可能咁加入心仪嘅委员会。而最新议员林哲玄就加入咗新民党嘅名单，莫非有意入党？
据立法会文件，今日(4日)公布最新版本委员会席位分配而组成嘅议员名单。原本只有5名成员成功进身议会嘅新民党，名单上就多咗林哲玄个名喎。林接受传媒查询时就指，咁做并无政治考量，只系为咗增加入委员会嘅机会，并唔打算加入政党。不过，事实上6人组成嘅名单，无论喺小组委员会定事务委员会上，都系只获分配一个席位。
另一方面，文件显示仲有7位议员选择继续“单打独斗”，并无加入任何名单。唔知佢哋系唔锺意“围炉”，定系仲考虑紧，选择静观其变呢？
