东网电视
更多新闻短片
(Getty Images)
做咗曼联看守领队即刻攞到4连胜嘅苏斯克查，今晚为听日举行嘅足总杯开记招，期间畀记者问到佢有冇打算喺暑假之后继续留任，定系返番去挪超莫迪，“苏B”就话自己仲未同行政总监伍德沃德倾过，然后讲：“一切都言之尚早，当我初初嚟到嗰阵，佢哋都好坦白话球会有既定程序去搵新帅，但当我留低喺度愈耐，我就愈享受啦！依家我会逐场逐场去睇，等到佢哋公布新帅一日，如果唔系我，而系其他人，咁祝佢哋好运啰！”
关于球会一月转会窗，“苏B”话佢好满意依家阵容，并冇增兵嘅逼切性：“其实球会应该早有计划，你做事总唔会只系谂听日同下个月。佢哋可能由旧年暑假或更早时间，已经开始为今个转会窗做计划。球会架构冇得弹，我好肯定佢哋早有目标，我只会畀一啲意见，而如果有需要，我会同艾迪(伍德沃德)坐低倾。”呢位“红魔鬼”名将话现有班球员都交到课，而且每人都会得到争取表现机会：“呢个系我工作，提升球员表现同个人能力。”
东网体育FB同你追实体坛每个精彩时刻！
支持本地运动员，一齐去“睇体”！
