东网电视
更多新闻短片
(Getty Images)
意甲传统劲旅AC米兰近季表现令人失望，不过佢哋有决心锐意改革，冬季转会窗完成首宗收购，就系买入一位巴西中场神人，来自法林明高嘅22岁中场卢卡斯柏基达，巴西国家队领队迪迪盛赞呢位97年出世球员：“佢系尼马同菲腊比古天奴混合体！”哗，有冇咁夸呀？
巴西球坛系咁架啦，初出道球员通常被捧到上天，卢卡斯柏基达都唔例外，佢虽然司职中场，却系上季法林明高首席射手，共入10球，当选巴西2018年度银球奖，以及巴西最佳中场奖项，由于佢偶像系卡卡，大家都叫佢做“新卡卡”，并跟随卡卡步伐加盟AC米兰，简直Fit晒。
卢卡斯柏基达据报转会费为3500万欧元(约3.1亿港元)，另加1000万欧元浮动条款，迪迪仲话：“佢有技术有身型，仲有巴西球员少有嘅头槌，可以踢晒防中、攻中至后上前锋位置，识得用，其实好好用。”
支持本地运动员，一齐去“睇体”！
东网体育FB同你追实体坛每个精彩时刻！
Follow东网体育IG一齐撑本地运动员！
