东网电视
更多新闻短片
布卡约沙卡(左)效力阿仙奴期间，曾经客串左后卫。(Getty Images)
英格兰领队修夫基透露，劳基梳尔仍然未适合参加比赛，加上上场欧国杯对塞尔维亚出任左后卫嘅捷比亚受轻伤，可能缺阵周五(21日)凌晨对丹麦，出现左闸荒。曼联名宿里奥费迪南献计，认为可以安排踢惯右翼嘅布卡约沙卡客串左后卫。
里奥费迪南话：“劳基梳尔伤势有麻烦，如果捷比亚都唔踢得，我认为可以安排布卡约沙卡踢左后卫，佢系英超最佳翼锋，亦有能力出任左后卫，我记得当年阿仙奴两位左闸基兰泰亚尼、哥拉辛拿斯缺阵期间，佢踢过呢个位置，现时英格兰冇其他更佳选择。”
布卡约沙卡曾经讲过，虽然自己唔惯踢左后卫，但愿意去学习，仲话客串左闸，可以令自己了解防守球员想法，对于出任右翼负责进攻，亦有帮助。
