71歲薛高巴黎被老笠　損失50萬歐元

東網電視

薛高損失慘重。(GettyImages)

巴黎奧運同時成為小偷盛會，巴西足球名宿71歲嘅薛高成為最新一位、亦可能係損失最慘重嘅受害者，據報薛高前來巴黎準備出席奧運相關活動，在一次乘搭的士時被偷走公事包，損失總計高達50萬歐元(約425萬港元)！

法國傳媒報道，薛高是巴西代表團其中一員，日前佢離開酒店乘的士期間，成為小偷落手目標，結果佢嘅公事包不翼而飛，內有現金、名貴手錶、鑽石等貴重物品，總值高達50萬歐元，雖然薛高已經報警，但要搵到小偷追回失物嘅希望相當渺茫。

薛高係名人，被偷走巨額財物雖然引起哄動，但有關當局根本毫無辦法，有網民留言指，今次巴黎奧運，亦係屬於小偷們嘅奧運會，薛高嘅單一損失或者係一項紀錄；亦有指巴黎舉辦奧運，等於將老鼠放入米缸，係小偷嘅大節日。