东网电视
更多新闻短片
泰拔高图尔斯表明愿重返国家队。
比利时国家队近年青黄不接，成绩出现下滑，最近更爆出内讧。之前因同领队不和而退队嘅门将泰拔高图尔斯，近日突然宣布回归国家队，但呢个决定就令现任正选卡斯迪尔斯不满，32岁嘅佢更宣布退役唔再代表比利时，以示不满。
效力皇家马德里嘅门将高图尔斯，喺2023年因为不满“队长争夺”输畀卢卡古，表明唔会为时任领队泰迪斯高效力，但随住比利时改聘鲁迪加西亚执教，高图尔斯早前就表示愿意再为国效力，比利时足总亦欢迎佢嘅决定，准备重召佢归队。
过去1年成为正选嘅卡斯迪尔斯就嬲爆表示：“好奇怪足总态度180度转变，铺晒红地毯去欢迎高图尔斯回归，我觉得高图尔斯有权喺国家队自出自入系好古怪，我嘅矛头主要系指向足总，呢种做法并唔符合团体嘅价值观，由依家开始我唔会再代表比利时出赛。”
