东网电视
更多新闻短片
基尔获加代迪利阿里求情。
英格兰球星迪利阿里周日(16日)凌晨喺意甲首演，阔别2年后再次喺球场露面，不过呢个纪念性时刻变成恶梦。迪利阿里为科木上阵10分钟，就因粗野拦截被红牌驱逐，连对手基尔获加都向球证求情，希望放迪利阿里一条生路，科木最终1比2不敌AC米兰。
科木今场33分钟先开纪录，但主场嘅AC米兰下半场大反击，基斯甸普列锡同雷恩达斯入波反超前2比1。科木喺81分钟换入1月加盟嘅迪利阿里，亦系佢自2023年2月后，时隔2年再喺正式赛事上阵，点知佢喺91分钟粗野踢跌对手，球证最初判罚黄牌，但VAR介入后决定提升为红牌。AC米兰右闸基尔获加同迪利阿里曾经喺热刺做队友，佢亦向球证作出求情，但判决最终并冇改变。
科木教练法比加斯赛后批评迪利阿里：“呢个系一个严重错误，以佢咁有经验系绝对唔应该犯，呢张红牌非常明显，冇嘢可以解释，当球队喺最后全力争取2比2嗰阵，系迪利阿里令到我哋只能以10人应战。”
