东网电视
更多新闻短片
沙治奥拉莫斯被质疑故意食红牌。
西班牙“茅王”沙治奥拉莫斯上月进军墨超，加盟劲旅蒙特雷，不过周一(17日)爆出争议。38岁嘅拉莫斯喺作客3比1赢普马斯一仗，完场前无故踢对手屁股被逐，赛后更喺社交网轻佻为自己再次拎红牌“认叻”，被质疑系故意被逐。
沙治奥拉莫斯加盟蒙特雷后，今场系第5次上阵，而且已经入咗3球波，但喺3比1赢普马斯兼去到最后补时，呢位老将争波后突然抽水踢对手屁股，难逃食红牌命运，亦系佢球员生涯第30张红牌。
本来食红牌都冇太大问题，但沙治奥拉莫斯赛后竟然喺社交网认叻：“好明显我唔可以唔拎红牌就离开墨西哥！”呢番言论令人质疑佢系故意食红牌，而且今次被逐后，沙治奥拉莫斯要喺3月30日对迪祖亚拿停赛，当日就系呢位西班牙名将嘅生日，唔通想学尼马“自制假期”？
