东网电视
更多新闻短片
基比斯韦特同女友向囝囝报喜。
英格兰中场基比斯韦特今季表现大熟大勇，帮诺定咸森林杀上英超第3位，日前获补选入英格兰国家队后，周三(19日)又同索爆女友Britney De Villiers报喜，宣布两队第2个爱情结晶即将出世，堪称人生赢家。
25岁嘅基比斯韦特最初未有入围杜曹首份英格兰名单，不过高尔彭马受伤退队，呢位森林中场就获得补选，佢同名模兼KOL女友Britney周三喺社交网上载影片，两人向囝囝Graysen展示超声波相片，宣布“细佬”即将诞生，非常Sweet。
基比斯韦特亦透露收到杜曹电话嘅情况：“杜曹打畀我，问我系咪仲为冇入选大军嬲紧，又问我想唔想听日入营一齐练习。我当然冇问题，而且非常开心，最初的确系有啲失望，但我再睇下入选球员嘅质素，就只能尊重杜曹嘅决定。”
