东网电视
更多新闻短片
查顿辛祖被车路士退货。(Getty Images)
车路士翼锋查顿辛祖近期愈踢愈沉，已经连续12场交白卷，出场顺序跌至R3（第三后备），据报“蓝战士”决定止蚀，放弃向曼联买断该球员，打算违约将佢退返畀曼联，宁愿赔偿1,000万镑违约金。(约1亿港元)
查顿辛祖去年夏天由曼联外借至车路士，双方协议车路士联赛排名14位以上，就要强制买断查顿辛祖，目前车路士排第4，势必触发买断条款，转会费亦按排名达到上限嘅2,500万镑(约2.5亿港元)。
踏入2025年查顿辛祖表现大跌，车路士见佢踢成咁，已决定放弃买断，英国传媒报道，原来当日双方协议仲有一项细则，就系车路士假如违约唔买断查顿辛祖，就要向曼联赔偿1,000万镑。
车路士计过条数，都系宁愿畀违约金，都唔想签个废人返嚟，所以将会向曼联支付违约金，将查顿辛祖退返畀曼联。
查顿辛祖同曼联合约至2026年夏天，曼联收回查顿辛祖后如果未能即时将佢出售，查顿辛祖极可能喺曼联坐足一季到约满，到时鲁宾艾摩廉有排头痛。
